Am Mind Ynys Mon

Mae Mind Ynys Môn yn aelod cyswllt o Mind Cenedlaethol, y brif elusen iechyd meddwl yn y wlad, ac mae’n gweithio i sicrhau gwell dealltwriaeth a derbyniad i afiechyd meddwl yn y gymdeithas ehangach.

Dyma un o’r ychydig sefydliadau mewn iechyd meddwl sy’n annog cyfraniad gan ddefnyddwyr gwasanaethau, ar bob lefel, o gynllunio a gweithredu gwasanaethau, ac mae’n rhoi lle blaenllaw i ddefnyddwyr gwasanaethau ym mhopeth y mae’n ei wneud.

Mae Mind Ynys Môn newydd gychwyn partneriaeth gyda’r Sefydliad Cenedlaethol Rhagoriaeth yn y Diwydiannau Creadigol (NIECI) ym Mhrifysgol Bangor, a’i nod yw hyrwyddo’r celfyddydau fel gwasanaeth sy’n rhoi llais i ddefnyddwyr gwasanaethau, gan herio yn y pen draw y gwarth sy’n wynebu rhai sy’n profi gofid meddwl.

Mae Mind yn darparu dau wasanaeth galw-i-mewn, ac un clwb gweithgareddau y tu allan i oriau swyddfa. Mae pob un yn cynnig polisi drws agored. Y brif weithwraig yw Clare Bailey (gweler y llun...).

 

Galw-i-mewn:

Llun 2pm-4pm,Gwener 2pm-4pm yn Y Priordy Richmond Hill Caergybi, Ynys Môn Ffôn: (01407) 761611

 

Hyfforddiant Deuddydd mewn Cymorth Cyntaf Iechyd Meddwl

Cymorth Cyntaf Iechyd Meddwl yw’r help a roddir ar unwaith i rywun sy’n profi  gofid meddwl. Mae Mind Ynys Môn am gynyddu nifer y rhai sy’n darparu Cymorth Cyntaf Iechyd Meddwl yn y gymuned gyda’r nodau a ganlyn:

• Adnabod symptomau gofid meddwl
• Arbed bywyd lle y gall rhywun fod yn berygl iddo/iddi
  ei hun neu eraill
• Darparu help i atal gofid meddwl rhag datblygu’n
  gyflwr mwy difrifol
• Hybu adferiad iechyd meddwl da
• Darparu cysur i rywun sy’n profi gofid meddwl

 

Pam Cymorth Cyntaf Iechyd Meddwl?

Mae problemau Iechyd Meddwl yn gyffredin iawn.  Bydd un ymhob pedwar o bobl yn cael problem gyda iechyd meddwl yng nghwrs blwyddyn. Er bod  problemau Iechyd Meddwl mor gyffredin mae pobl yn parhau i’w camddeall ac nid ydynt yn cael eu trafod yn gyhoeddus yn aml. Pan fydd hyn yn digwydd, ac yn aml iawn yn y Cyfryngau, fe’u trafodir yn anghywir, sy’n arwain ar ofn, gwarth a chamwahaniaethu. Mae hyn yn ei dro’n cadw unigolion rhag ceisio help. Mae llawer o bobl yn anwybodus ac yn aml nid ydynt yn gwybod sut i ymateb.

Gall meddygon teulu, cwnselwyr ac aelodau o Dimau Iechyd Meddwl helpu pobl sydd â phroblemau Iechyd Meddwl. Fodd bynnag, megis yn achos damweiniau ac achosion meddygol brys, nid yw cymorth o’r fath bob amser ar gael pan fydd problem yn odi am y tro cyntaf. Dyma pryd y gall aelodau’r cyhoedd gynnig help ar unwaith a chynorthwyo rhywun i gael help priodol.

Mae Mind Ynys Môn  Mind am ddysgu sgiliau i gynifer o bobl â phosibl er mwyn creu cymuned lle mae’n dderbyniol i unigolion sôn yn agored am eu gofid meddwl heb ofni gwrthodiad neu gamwahaniaethu, gan hybu Iechyd Meddwl, lle ac adferiad da.

Darperir y cyrsiau hyn am ddim i gynhalwyr a defnyddwyr gwasanaethau.

Cysylltwch â Clare Bailey yn Ynys Môn Mind
Ffôn:  01407 761611
Ebost: ynysmonmind@yahoo.co.uk

Mawrth 24th/25th Bull Hotel Llangefni-  9.30am -4.30pm

Ebrill 13th/14th Anglesey Arms Hotel Menai  Bridge-  9.30am-4.30pm

Mai 19th/20th Dinorben Arms Hotel, Amlwch  9.30-4.30pm

 

Gweithdai Celf Greadigol

Bydd Mind Ynys Môn yn arwain 20 wythnos o weithdai celf cyffrous gyda’r nod o greu gwaith unigol a gwaith mewn grwpiau, yn ogystal â darnau gosod, gan ddefnyddio cyfryngau cymysg.

Bwriadwn roi cyfle i bobl eu mynegi eu hunain ac arddangos eu doniau.

Arweinir y gweithdai gan yr arlunydd Jaqui Myrtle ar ddydd Mercher rhwng 10yb a hanner dydd yn:

Canolfan Celf Ucheldre, Caergybi, Ynys Môn

Yn cychwyn 4 Tachwedd 2009

Croeso i bawb-£1

I wybod rhagor e-bostiwch Clare ar ynysmonmind@yahoo.co.uk

Gweithdai Ysgrifennu Creadigol

Bydd Mind Ynys Môn yn arwain chwe wythnos o weithdai cyffrous gyda golwg ar ennyn gweithgarwch ymhlith ysgrifenwyr newydd a phrofiadol fel ei gilydd.
Trefnwyd y gweithdai hyn i roi cyfle i bawb ganfod a datblygu llais creadigol unigryw fel cyfrwng mynegiant mewn awyrgylch diogel a chefnogol.
Byddant dan arweiniad y bardd, y beirniad a’r nofelydd Simon Holloway, sy’n ddarlithydd mewn Ysgrifennu Creadigol ym Mhrifysgol Bangor.

Cynhelir y gweithdai ar ddydd Mawrth o 10ynb-12.30yp yng:

Canolfan Celf Ucheldre, Caergybi, Ynys Môn
cost £2 y sesiwn

Yn cychwyn 3 Tachwedd  2009

I wybod rhagor e-bostiwch:

Clare ar ynysmonmind.co.uk